Wednesday, June 08, 2005

புத்தக 'மீம்' - பட்டியல்

மதியின் அழைப்புக்கு நன்றி. புத்தகப் பட்டியல் போடுவது எனக்கு ஒரு உவப்பான பொழுது போக்கு.

கைவசம் உள்ள புத்தகங்கள் : 100 - 120

படித்ததில் பிடித்தது:
1. பாரதியார் கதைகள்
(உரைநடை, நம்முடன் நேரடியாகப் பேசுவது போன்றது, பாசாங்கற்றது. பாரதியை இன்னும் புரியவைத்தது, நெருங்கச் செய்தது. புதுச்சேரியின் மீது இனம் புரியாத காதல் வரச் செய்தது)
2. வெள்ளிப் பாதசரம் - இலங்கை சிறுகதைகள் தொகுப்பு - செ. யோகனாதன் - தொ. ஆ.
(அற்புதமான கதைகள். வேறொரு புலத்தில்,என் மொழி பேசி, என் போல் உடுத்து என்னைப் போல் சிந்திக்கும் ஈழத்தமிழரை, அவரது சந்தோஷங்கள், அவலங்கள் முதலியவற்றை நான் அதுவரை அறிந்திராத அருமையான மொழியில் [தமிழ் இத்தனை இனமமையா!] அறிமுகப்படுத்தியது)
3. மானுடம் வெல்லும், வானம் வசப்படும் - பிரபஞ்சன்
("தமிழில் ஒரு நல்ல சரித்திர நாவல் இல்லையென்ற வசை இனி என்னால் ஒழிந்தது" என்று பிரபஞ்சனே சொன்னதை ஓரளவு ஒப்புக்கொள்ள வைத்தது. பாண்டிச்சேரியின் மீது மேலும் காதல் கொள்ளச் செய்தது)
4. வாடிவாசல் - சி சு செல்லப்பா
(என்ன சொல்லுவதென்று தெரியவில்லை)
5. ஸ்ரீரங்கத்து தேவதைகள் - சுஜாதா
(சுஜாதாவின் படைப்புக்களிலேயே இதைத் தான் உயர்ந்ததாகக் கருதுகிறேன். இதன் spontaneity எனக்கு மிகவும் பிடிக்கும். இன்றும் பலமுறை படிக்கிறேன்!)
6. சிறகுகள் முறியும், வீட்டின் மூலையில் ஒரு சமையலறை - அம்பை
(சமீபகாலங்களில் நான் படித்ததில் என்னை மிகவும் பாதித்தது. பெண்ணியம் பற்றிய புரிதல்களுக்கும், வாழ்க்கையில் பல விடயங்களில் ஒரு பரந்த நோக்கு உருவாவதற்கும் காரணமாய் அமைந்த தொகுப்புகள்)
7. PG Wodehouse - (எதையென்று சொல்ல?)


சமீபத்தில் வாசித்தது:
1. என் பெயர் ராமசேஷன் - ஆதவன்
2. The Motorcycle Diaries - Ernesto Che Guevara
3. மல்லிகை சிறுகதைகள் (2) - (தொகுப்பு: செங்கை ஆழியான்)
4. The Last Liberal - Ramachandra Guha

வாசித்துக் கொண்டிருப்பது: (படுக்கையில் இறைந்து ['றை' சரியா?]கிடக்கும் புத்தகங்களில் இருந்து ஜோசியக்காரன் கிளி மாதிரி ஒன்றைத் தேர்வு செய்து, புத்தகம் கையில் இருந்து நழுவும் வரை படித்தல்)

தமிழ்:

1. மௌனி சிறுகதைகள்
2. ஜி. நாகராஜன் சிறுகதைகள்

ஆங்கிலம்:
1. Natasha and other stories - David Bezmozgis
2. Selected stories of Anton Chekov
3. Passionate Nomad - The life of Freya Stark

பரணில், பிரிக்கப்படாத உறைகளில் பாதுகாப்பாக இருப்பவை
1. வண்ணதாசன் சிறுகதைகள்
2. வண்ணநிலவன் சிறுகதைகள்
3. அசோகமித்திரன் சிறுகதைகள்
4. அசோகமித்திரன் கட்டுரைகள்
5. ஈழப்போராட்டத்தில் எனது சாட்சியம் - புஸ்பராஜ்
6. அரசூர் வம்சம் - இரா.முருகன்
7. புலிநகக்கொன்றை - பி.ஏ. கிருஷ்ணன்
8. ஜே ஜே சில குறிப்புகள் - சுரா
9. சரஸ்வதி களஞ்சியம்
10. The Valleys of the Assasins - Freya Stark
11. The Southern Gates of Arabia - Freya Stark
12. Moorish Spain - Richard Feltcher
13. The Wonder that was India - AL Basham
14. Picador Book of Cricket - Ramachandra Guha (Editor)

விளையாட்டைத் தொடர நான் அழைக்கும் நண்பர்கள்:

டிசே
பாலா
காசி
சுந்தர் பத்மனாபன்
ஈழநாதன்

5 comments:

Santhosh Guru said...

நல்ல பட்டியல்.

சம்பந்தமில்லாத கமெண்ட் :

எனக்கு பாண்டிச்சேரியின் மீது எனக்கு காதல், பாரதியாரையும், பிரபஞ்சனையும் படிக்கமாலேயே வந்தது :). எனக்கு மிகவும் பிடித்த, நான் செட்டில் ஆக வேண்டும் என்று விரும்புகிற ஊர் பாண்டிச்சேரி என்னும் புதுவை.

Anonymous said...

//விளையாட்டைத் தொடர நான் அழைக்கும் நண்பர்கள்:

டிசே
பாலா
காசி
சுந்தர் பத்மனாபன்
ஈழநாதன்
//

Hyperlinks to above mentioned blogs are not properly working :-(

Kannan said...

Santhosh,

thanks! Pondicherry is a wonderful place - ofcourse, only next to Coimbatore :-)

Anonymous,

have corrected the hyperlinks

பத்மா அர்விந்த் said...

கன்னன்
பாண்டிச்சேரியில் அழகும் உண்டு. அதைவிட அவலங்கள் அதிகம் என்பது என் கருத்து. எனக்கு பாண்டிச்சேரி பற்றி நினைத்தாலே வருத்தமும் சினமும்தான் வருகிறது.சம்பந்தமில்லாத கருத்து.

Kannan said...

பத்மா,

சம்பந்தம் இல்லாத கருத்தெனினும் இங்கே இட்டமைக்கு/வந்தமைக்கு நன்றி.

புதுவையில் இரண்டு வருடங்கள் முதுகலைப் படிப்பு முடித்தேன். புதுவை குறித்த உங்கள் சினம் / வேதனை பகிர்ந்து கொள்ளக் கூடியதாக இருப்பின் அறிய விருப்பமாக உள்ளேன்.